दुर्घटनामा एकको मृत्यु १२ घाइते
  • https://i2.wp.com/bisuonline.com/wp-content/uploads/2019/07/accident_logo_7sWbIbmUWw.jpg?resize=764%2C450&ssl=1

    दुर्घटनामा एकको मृत्यु १२ घाइते

    नवलपरासी — पूर्वी नवलपरासीमा भएका दुई सवारी दुर्घटनामा १ जनाको मृत्यु भएको छ भने १२ जना घाइते भएका छन् । बिहान पौने ५ बजेतिर रजहर चोकदेखि करीब ५ सय मिटरपूर्व पूर्व-पश्चिम लोकमार्गअन्तर्गत ओएसिस चोकमा बसले पैदलयात्रीलाई ठक्कर दिँदा पैदलयात्रीको घटनास्थलमै ज्यान गएको इलाका प्रहरी कार्यालय रजहरले जनाएको छ ।

    प्रहरीका अनुसार पूर्वबाट पश्चिम जाँदै गरेको लु २ ख १४९३ नम्वरको वसले देबचुली १६ रजहरकी ७५ वर्षीया वृद्धा राधिका अधिकारीलाई ठक्कर दिदाँ घटनास्थमै उनको मृत्यु भएको हो ।

    त्यस्तै पूर्व-पश्चिम राजमार्गअन्तर्गत मध्यबिन्दु ८ चोरमाराको फूलबारीमा २ वटा सवारी साधन जुद्धा १२ जना घाइते भएका छन् । उनीहरुध्ये २ जना सख्त छ । चोरमारा प्रहरीका अनुसार बुधबार बिहान पश्चिमबाट पूर्वतर्फ जाँदै गरेको ना ७ ख ६३ नम्बरको ट्रक र विपरीत दिशा काठमाडौंबाट सुर्खेतका लागी छुटेको बस फूलबारीमा ठोक्किएर दुर्घटना भएको हो ।

    सख्त घाइते २ जनाको पुरानो मेडिकल कलेज भरतपुरमा र अन्य घाइतेको मध्यबिन्दु सामुदायिक अस्पताल डण्डामा उपचार भइरहेको प्रहरी कार्यालय चोरमाराका प्रहरी नायव निरीक्षक भीमप्रसाद धितालले जानकारी दिए । दुबै सवारी साधनका चालक र सवारी साधन प्रहरीले नियन्त्रणमा लिएको छ ।